Əlaqə: +994 12 555 18 18 Reklam: +994 50 555 18 18

İş saatları: 1-5- ci günlər. 9:00-19:00, 6 ci gun 9:00 - 14:00
Elanlara SMS abunə Daxil ol Qeydiyyat Elan ver

Xəbərlər

“Kristal Abşeron Qrup” Pirallahıda daha bir dövlət layihəsini təhvil verdi!

13.07.2019

Prezident İlham Əliyev və birinci xanım Mehriban Əliyeva iyul ayının 5də  Pirallahı rayonunda məcburi köçkünlər üçün salınan yeni yaşayış kompleksinin açılışında iştirak etdilər. Qaçqınların və məcburi köçkünlərin işləri üzrə Dövlət Komitəsinin  sədri Rövşən Rzayev görülən işlərlə  bağlı məlumat verdi. Bildirildi ki, dövlət başçısının 2011-ci ildə imzaladığı sərəncama əsasən Pirallahı rayonunda yataqxanalarda və digər inzibati binalarda müvəqqəti məskunlaşmış 306 məcburi köçkün ailəsi üçün çoxmərtəbəli binalardan ibarət,yeni yaşayış məhəlləsinin  tikilməsi nəzərdə tutulub.Sifarişçisi məcburi köçkünlərin Sosial İnkişaf Fondu, podratçısı isə “Kristal Abşeron Qrup‘‘ olan yeni yaşayış məhəlləsinin ötən il başlanılan tikinti işləri yüksək keyfiyyətlə başa çatdırılıb.

Layihə üzrə 3 ədəd 9 mərtəbəli bina  tikilib ki, bunlardan ikisi 72, biri isə 162 mənzillidir. Yaşayış kompleksinə məktəb də daxildir və burda digər zəruri infrastruktur obyektləri tikilib. Ərazidə geniş abadlıq və yaşıllaşdırma işləri görülüb. Kompleks salınarkən elektrik,su,qaz,  istilik təchizatı və suvarma sisteminin,rabitə və televiziya şəbəkəsinin quraşdırılmasına xüsusi diqqət göstərilib.

Bu, ölkə üzrə  məcburi köçkünlər üçün salınan sayca 104-cü müasir yaşayış kompleksidir.Mənzillərdə yaradılan şəraitlə tanış olan prezident İlham Əliyevə  və birinci xanım Mehriban Əliyevaya məlumat verildi ki, təmir olan mənzildən 37si 1 otaqlı, 107si 2 otaqlı, 126sı  3 otaqlı, 36sı isə 4 otaqlıdır.Mənzillərin ümümi sahəsi 24000Kv.m-dir. Yeni yaşayış kompleksində  hazırda Pirallahı rayonundakı yataqxanalarda və digər inzibati binalarda müvəqqəti məskunlaşmış məcburi köçkün ailələri mənzillə təmin olunacaq.

Sonra Laçın rayonu Bozlu tam orta məktəbindəki şəraitlə tanış olan prezident İlham Əliyev və birinci xanım Mehriban Əliyevaya məlumat verildi ki, bu təhsil ocağı  220 şagird yerlikdir.Yüksək şəraiti ilə seçilən müasir təlim avadanlıqları ilə diqqət çəkən məktəbdə təlim-tədris üçün hərcür şərait yaradılıb.Məktəbin komputer otağında şagirdlər informasiya-texnologiyalarının sirlərinə yiyələnəcəklər.Prezident İlham Əliyevin təhsilin inkişafına göstərdiyi diqqət və qayğı təsdiq edir ki,  bu sahə dövlət siyasətinin mühim prinsipləri sırasına daxil edilib. Bu proses təkcə paytaxtla məhdudlaşmır,bölgələri də əhatə edir.Doğma yurdlarından didərgin düşən soydaşlarımızın təhsilini yüksək səviyyədə qurulmasına xidmət göstərir.Məktəbin idman zalı da zəruri avadanlıqla təchiz edilib və burda  şagirdlərin bədən tərbiyyəsi ilə məşğul olmaları üçün  hər cür imkan var.Sonra dövlət başçısı və birinci xanım məcburi köçkünlərlə görüşdülər.Yeni yaşayış kompleksi açılışı münasibəti ilə məcburi köçkünləri  təbrik edən dövlət başçısı bildirdi ki,  burda yaşayış üçün ən yüksək standartlar yaradılıb.

Prezident İlham Əliyev Pirallahı rayonunun uğurlu inkişafından da danışdı. Qeyd etdi ki, "rayonda infrastruktur obyektləri inşa edilir, binalar tikilir və ya təmir olunur . Pirallahı adası tam yeni görkəm alıb" deyən dövlət başçısı bildirdi ki , "rayonda quruculuq işləri bundan sonra da davam etdiriləcək". Laçın rayonundan olan məcburi köçkünlər Sevda  və Kəmalə Musayevalar ,həmçinin Cəbrayıl Heydərov Prezident İlham Əliyev və birinci xanımı Mehriban Əliyevaya məcburi köçkünlərə göstərdikləri  diqqət və qayğıya görə minnətdarlıq etdilər. Sonda  xatirə şəkli çəkdirildi .

Oxunub: 47