Əlaqə: +994 50 555 18 18

İş saatları: 1-5- ci günlər. 9:00-19:00, 6 ci gun 9:00 - 14:00
Elanlara SMS abunə Daxil ol Qeydiyyat Elan ver

Xəbərlər

“Kristal Abşeron” keyfiyyətdə birinci! – FOTO

04.01.2017

Emlak.az-ın əməkdaşı “Kristal Abşeron”un Bakı şəhəri, 8-ci mikrorayon, Biləcəri qəsəbəsi, Xırdalan və Sumqayıt şəhərlərindəki layihələri ilə tanış olub və tikinti prosesinin gedişatı barəsində şirkətin rəsmilərindən məlumat alıb. 

8-ci mikrorayon, Süleyman Sani Axundov 3 a-da yerləşən binaların layihə direktoru Elçin Süleymanov deyib ki, tikintidə qazma işlərinə cari ilin iyun ayının 10-dan başlanılıb: “Binalar 3 bloklu, 16 mərtəbəlidir. Binaların 2017-ci ilin sentyabrın axırı, oktyabrın 15-ə kimi təhvil verilməsi nəzərdə tutulub”.

Onun sözlərinə görə, 3 bloklu bina üçün nəzərə tutulan materialların əsas hissəsi Xırdalan şəhərində yerləşən anbarda saxlanılır: “Tikintidə istifadə olunan əsas materiallar, beton, çınqıl, qum yerli istehsaldır. Parket, armatur və binaların üzlüyü üçün nəzərdə tutulan “mineralnıe vata” adlandırılan məhsulu isə Rusiyadan idxal edirik. Santexnika məhsulları Türkiyə, kafel-metlax isə İspaniya istehsalıdır”.

Layihə rəhbəri qeyd edib ki, binalar tam təmirli olacaq: “1, 2, 3 otaqlı mənzillər tam təmirli şəkildə müştərilərə təhvil veriləcək ki, onlar təmirə əlavə vaxt sərf etməsinlər”.

“Biləcəri” layihəsinin mühəndisi Azər Hüseynov isə qeyd edib ki, binaların tikintisinə keçən ilin ikinci rübündə başlanılıb: “2 binada artıq yaşayış var. Fasad yekunlaşmaq üzrədir. Fasadda istehsal olunan izolyasiya materialı Rusiyadan alınıb. 

Bina 16 mərtəbəlidir, hər mərtəbədə 8 mənzil var. Onlardan 1-i üçotaqlı, 3-ü birotaqlı, 4-ü isə ikiotaqlıdır. Sahəsi 89 kv.metr olanlar 3 otaqlı, 42-50 kv.metr olanlar 1 otaqlı, 64,7-64,9 kv.metr olanlar isə ikiotaqlı mənzillərdir. Digər binalarda sahəsi 98 kv.metr olan mənzillərimiz də var”.

A.Hüseynov bildirib ki, müştərilər əsasən 1-2 otaqlı mənzillərə üstünlük verirlər və satılan mənzillərin əksəriyyəti də 1-2 otaqlı olanlardır: 

O qeyd edib ki, noyabrdan isə yaşayış olan mənzillər mərkəzi istilik sistemi ilə təchiz edilib. 

“Xırdalan 2” layihəsi barəsində isə layihənin mühəndisi Eldar Məmmədov məlumat verib:

“Ərazidə MTK-nın nəzdində 11 ədəd 14 mərtəbəli yaşayış binası var. Artıq 10 bina hazırdır. 7 binada isə yaşayış mövcuddur. Mənzillər tam təmirlidir, onlar istilik, təbii qaz, işıq, su ilə təchiz edilib və sakinlər çıxarışlarını alıblar. Ümumilikdə, “Xırdalan 2” layihəsi, yəni bütün kompleks 2017-ci ilin mart ayında tam təhvil veriləcək. 

Onun sözlərinə görə, “Xırdalan 1” layihəsində isə hazırda 2500-3000 ailə məskunlaşıb:

“Xırdalan 1”-də tikinti işlərimiz gedir. Hazırda orda 22 bina mövcuddur. Onlardan 20-də işlər yekunlaşıb. 3 binanın isə dam örtüyü qalıb. 17 binamızda isə tam yaşayış var”.

Emlak.az-ın əməkdaşı şirkətin Sumqayıt şəhəri, 6-cı mikrorayon adlanan ərazisində yerləşən layihələri ilə də tanış olub. 

Şirkət rəsmilərinin sözlərinə görə, kompleks il yarıma təhvil verilib: “Hazırda burada 5 bina mövcuddur. Hamısında yaşayış var”.

Şirkət rəsmiləri qeyd edib ki, sakinlərin təbii qaz, su, işıq kimi problemləri olmayacaq. Qeyd edək ki, kompleksin 485 avtomobil yeri olan qarajı da mövcuddur.

“Kristal Abşeron”un Sumqayıtda, Bulvar ərazisində yerləşən “P” şəkilli binaları isə dəniz mənzərəsi ilə sakinlərin zövqünü oxşayacaq. 

Şirkətin Sumqayıt şöbəsinin direktoru Şükür Həmzəyev deyib ki, tikintiyə 8 ay öncə başlanılıb və mart ayında isə binalar tam təhvil veriləcək: “Bulvar ərazisində şirkətin cəmi 7 binası mövcuddur. Binalar isə 7 mərtəbəli və üstəgəl mansardladır, ümumilikdə, mansardla birgə 8 mərtəbəlidir”.

Ş.Həmzəyevin sözlərinə görə, mənzillərin satışına başlanılıb və 80% mənzillər satılıb:

“Panoramaya baxan mənzillərisə artıq qalmayıb, hamısı satılıb”, - deyə direktor sözlərinə əlavə edib. “Hər mərtəbədə 6, yaxud 8 mənzil var. Ən minimal sahəsi olan mənzillər bir otaqlıdır, onların sahəsi 35-42 kv.metr arasında dəyişir. Maksimum 3 otaqlı mənzillərin sahəsi isə 109 kv.metrdir”.

Direktor əlavə edib ki, mənzillərin satışına uyğun olaraq yaxın gələcəkdə Bulvar ərazisində daha bir bina inşa olunacaq. 

Ş.Həmzəyev bildirib ki, binaların mansardı digər mənzillərə nisbətdə 15-20% aşağı qiymətə satılır: “Mansard yaşayış mənzilidir. Mansardı alan sakinlərə də çıxarışlar verilir.

Onun sözlərinə görə, binaların tikintisində istifadə olunan materiallar həm keyfiyyət, həm də qiymətinə görə digərlərinə nisbətdə daha bahalıdır.

“Şirkət bundan sonra bir illik bütün 19 layihəsinin tikintisini aparmaq üçün lazım olan materiallar ilə təchiz edilib. Tikinti üçün ən vacib və bahalı məhsul olan böyük həcmdə armatur idxal olunub. Tikintidə istifadə olunan beton məhsulunu isə şirkətin özü istehsal edir. Şirkətdə 8 min mənzilin santexnika ehtiyatı mövcuddur”.

Şirkət rəsmiləri bir daha müştəriləri əmin edib ki, layihələrdə gecikmə halı müşahidə olunmayacaq və mənzillər vaxtından əvvəl sakinlərə təhvil veriləcək. 

Qeyd edək ki, “Kristal Abşeron” bazarda 2003-cü ildən fəaliyyət göstərir. Şirkət hazırda Bakı, Xırdalan, Sumqayıt da daxil olmaqla, ümumilikdə 24 layihə icra etməkdədir. Onlardan 5 layihə artıq tamamlanıb. 19 layihənin realizəsi isə davam edir. Ümumilikdə 3 minə yaxın sakinə çıxarışlar təqdim edilib. 

“Kristal Abşeron”un bazarda ən böyük üstünlüyü ondan ibarətdir ki, sakinlərə mənzillər təhvil olunan zaman çıxarışlar da verilir. Digər ən böyük üstünlüyü isə müştərilərin əlavə vaxt sərf etmədən tam təmirli mənzil arzusunun reallaşmasıdır. 

Şirkət haqqında daha ətraflı aşağıdakı linklərdən məlumat almaq olar:

http://kristalabsheron.az/

https://www.facebook.com/KristalAbsheron/



Oxunub: 2255