Xəbərlər

“Kristal Abşeron” “Recexpo 2016” Daşınmaz Əmlak sərgisində iştirak edir!

24.11.2016

“Kristal Abşeron” şirkəti Bakıda keçirilən “Recexpo 2016” Daşınmaz Əmlak sərgisində iştirak edir.

“Kristal Abşeron”un mətbuat xidmətindən “Marja”ya daxil olmuş məlumata görə, 22-24 noyabr 2016-ci il tarixlərində keçirilən Azərbaycanın ən nüfüzlu daşınmaz əmlak sərgisində 12 ölkədən 50-dən artıq tikinti və əmlak şirkətləri iştirak edir.

2-ci dəfə təşkil olunan bu sərginin iştirakçısı olan “Kristal Abşeron” şirkəti konsept həllərə görə sərgidə ən çox bəyənilən stendlərdən biri olub.

Bakı, Sumqayıt və Xırdalan şəhərlərində inşa etdiyi layihələr ilə təmsil olunan “Kristal Abşeron”un İcraçı Direktoru Azər Məhərrəmovun sözlərinə görə, “Kristal Abşeron” indiyədək 3000-dən artıq mənzilin çıxarışlarını sakinlərə təqdim etmişdir.

Sərginin ilk günüdə “Kristal Abşeron” şəhərin ecazkar görünüşünü dəyişəcək barokko üslubunda olan Elmlər Layihəsinin maketini təqdim edib. Hüseyn Cavid prospekti 180 ünvanında tikilən bu yaşayış kompleksi 18 mərtəbəli 3 bloklu binadan ibarətdir. Layihənin ən böyük üstünlərindən biri sakinlərə özəl konsyerj xidməti olacaq. Əminliklə demək olar ki, orijinallığı ilə seçilən layihə maketi sərgi iştirakçıları tərəfindən 1000-dən artıq sosial şəbəklərdə paylaşılmışdır.

Sərginin ikinci günü şirkətin yenilənmiş korporativ saytı təqdim olunmuşdur. Korporativ saytda sirkətin butun layihələri haqqında ətraflı məlumat təqdim olunmuşdur.

Sərginin 3-cü günü inşasına 2016-cı ildə başlanılan “İnqilab Residence” və Sumqayıtda “Sahil Park” layihələri təqdim olunub. Tam təmirli şəkildə təhvil verilcək bu layihələrdə mənzilləri ilkin ödənişsiz 20 illik manatla ödəmə şərtləri ilə əldə etmək olar.

Xatırlatmaq istərdik ki, şirkət 2003-cü ildən fəaliyyət göstərir. Bazarda olduğu 13 il ərzində “Kristal Abşeron” Bakı, Sumqayıt və Xırdalan şəhərlərində keyfiyyətli yaşayış kompleksi inşa etməkdədir.

Oxunub: 1949